هو أنا بس اللي متضايق من اللي تشابي ألونسو بيعمله في إندريك؟
الولد حرفيًا بيتكسر قدّام عنينا.
جاهز، فايق، وميتشقلب علشان يثبت نفسه…
وبرضه ألونسو راكنه على الدكة طول الموسم، ولعبه 11 دقيقة بس!
رقم والله يقدر ينهي مسيرة أي حد.
واللي يزعّل أكتر إن كل دقيقة لعبها كان فيها شراسة وأداء يخوّف…
وبرغم كده كإنه ماعملش حاجة.
ومع إن الوضع ده كله بيحصل…
الولد كل يوم أول واحد في التمرين وآخر واحد يمشي.
بيتدرب أضعاف زمايله، وعايز فرصة واحدة بس يثبت فيها نفسه.
مشاهد الزعل والبكاء بقت عادة…
بيطلع من الماتشات وهو مخنوق لأنه ما لعبش.
والعياط اللي حصل يوم تقديمه في مدريد لوحده قصة وجع قلب.
وآخر ماتش؟
ألونسو خلاه يسخن نص ساعة…
وفي الآخر نزل جونزالو جارسيا بداله!
طبيعي جدًا إنه يقعد يعيط على الدكة.
وفعلًا حاول يستخبى… بس الكاميرات جابته برضه.
إندريك مش ناقصه موهبة…
إندريك ناقصه مدرب يحس بيه.
